Ադրբեջանը հակահարված կստանա

Ադրբեջանը հավանաբար մոռացել է իր կողմից ստորագրված միջազգային համաձայնագրերը. դեպի Ստեփանակերտ թռչող ինքնաթիռները կործանելու վերաբերյալ Ադրբեջանի սպառնալիքները մեկնաբանելով ասել է ՀՀ ՊՆ Արմենակ Խամփերյանցի անվան ռազմական ավիացիոն ինստիտուտի հակաօդային պաշտպանության ֆակուլտետի ամբիոնի պետ, գնդապետ Հայկազ Գևորգյանը:

«Չէ՞ որ սա քաղաքացիական չվերթ է, պատերազմական չէ, կործանիչ ավիացիա չէ: Ինձ չի թվում, որ իրենք կգնան այդ քայլին: Սակայն, եթե գնան էլ, մենք պատրաստ ենք հակահարված տալ»,- հայտարարել է գնդապետը:

Նա նաեւ հավելել է, որ Երեւանը եւ Մեծամորի ատոմակայանը պաշտպանված են օդային հարձակումներից: