Հայ պատմաբանին արգելել են Ջավախք մտնել

Անձը վտանգ է ներկայացնում Վրաստանի քաղաքացիների առողջության, հասարակական միջավայրի համար. ահա այս պատճառաբանությամբ շաբաթ օրը թույլ չեն տվել Ջավախք մուտք գործել պատմաբան Վահե Սարգսյանին:

Yerkir.am-ի հետ զրույցում Վ. Սարգսյանն ասաց, որ այդ պատճառաբանությունն անհասկանալի է և անհիմն, թեև ենթադրում է, որ Վրաստանի իշխանություններին հնարավոր է բարկացրել է այն հանգամանքը, որ ինքը մշտապես հանրայնացրել է ջավախահայության հիմնախնդիրները` կապված լեզվի, ինքնության պահպանման հետ:

Վահե Սարգսյանը նշեց նաև, որ տրված փաստաթուղթն անժամկետ է: Ենթադրվում է, որ նրա մուտքն այլևս արգելված է Վրաստան` նա անցանկալի անձ է այդ երկրում: Վահեն դիմել է ՀՀ արտգործնախարարություն, որպեսզի պարզվեն պատճառները և ներկայացվեն փաստեր` իր` անցանկալի լինելու վերաբերյալ: