''Արամ Խաչատրյան'' համերգասրահը դադարելո՞ւ է գործել

Խոսակցություններ են պտտվում, թե «Արամ Խաչատրյան» համերգասրահն այս տարի երկար ժամանակով չի գործելու վերանորոգման պատճառով:

Yerkir.am-ի հետ զրույցում Հայաստանի պետական ֆիլհարմոնիկ նվագախմբի տնօրեն Ռուզաննա Սիրունյանը նշեց, որ, այո, այս տարի համերգասրահը նորոգվելու է:

«Նախատեսում ենք վերազինել լուսային եւ ձայնային տեխնիկան, որի հետ կապված` համերգասրահը որոշ ժամանակ չի գործի: Հավանաբար, աշխատանքները կսկսվեն հունիս ամսից»,- ասաց նա` հավելելով, որ իրականում այդ աշխատանքները չեն տեւելու շատ երկար. «Նախատեսվում է, որ սեպտեմբեր ամսին մենք կկարողանանք մեր նոր համերգաշրջանը սկսել հենց «Արամ Խաչատրյան» համերգասրահում` ինչպես միշտ»: