ԱՄՆ պետդեպարտամենտը Սարգսյանին և Ալիևին կոչ է արել ավելի համարձակ լինել

ԱՄՆ պետքարտուղարի` Եվրոպայի եւԵվրասիայի հարցերով տեղակալ Վիկտորյա Նուլանդը Հայաստանի և Ադրբեջանի նախագահներին կոչ է արել ավելի համարձակ լինել և ստեղծագործական մոտեցում ցուցաբերել. հայտնում է haqqin.az-ը:

Նրա խոսքերով՝ նոյեմբերի վերջին նախատեսված` Սարգսյան-Ալիև հանդիպումն արդեն դրական զարգացում է:

«Ցանկանում ենք կոչ անել նախագահներին՝ հակամարտության կարգավորման վերաբերյալ բանակցություններ վարելու պատրաստակամության մեջ համարձակություն և ստեղծագործական մոտեցում ցուցաբերել»,- հայտարարել է Նուլանդը Ատլանտյան խորհրդում ելույթ ունենալիս:

Խոսելով հակամարտության բանակցային գործընթացում գերպետությունների ներգրավվածության մասին՝ նա ասել է, որ, եթե Բաքուն և Երևանը կամք և ձգտում ունենան, ոչ մի պետություն չի կարողանա նրանց խանգարել: