Զարուհի Փոստանջյանի համար Ռուբեն Հակոբյանի որոշումն անսպասելի էր

«Ժառանգություն» խմբակցության նորընտիր ղեկավար Զարուհի Փոստանջյանը լրագրողների հետ զրույցում, մեկնաբանելով  պաշտոնը ստանձնելու անակնկալ որոշումը, ասաց, թե առավոտյան տեղյակ չի եղել, որ Հակոբյանը նման որոշում է ընդունել:

Նրա խոսքով` խմբակցության ղեկավարի պաշտոնից Հակոբյանի հրաժարումը նրա անձնական որոշումն է եղել. «Մեզ համար պարոն Հակոբյանի որոշումը սպասելի չէր, ինքն անձնական որոշում է կայացրել: Մենք չենք իմացել, որ նման որոշում կլինի, բայց դա կապ չունի ստրասբուրգյան իրադարձությունների վերաբերյալ տարբեր մոտեցումների հետ: Ես այն կարծիքին եմ, որ մենք տարբեր սերունդների ներկայացուցիչներ ենք`տարբեր մոտեցումներով»,-նշեց պատգամավորը: