Փոխարժեքներ
03 03 2025
|
||
---|---|---|
USD | ⚊ | $ 393.35 |
EUR | ⚊ | € 409.08 |
RUB | ⚊ | ₽ 4.4482 |
GBP | ⚊ | £ 495.31 |
GEL | ⚊ | ₾ 140.73 |
Այսօր Կենտրոն և Նորք-Մարաշ շրջանների ընդհանուր իրավասության դատարանում՝ դատավոր Գ.Պողոսյանի նախագահությամբ, տեղի ունեցավ ՀՀ ԱԺ «Ժառանգություն» խմբակցության պատգամավոր Զարուհի Փոստանջյանի բողոքի քննությունը: Պատգամավորը նիստին ներկայացել էր ունկդրի կարգավիճակով:
Հայցվոր կողմը դատարանից պահանջում է վերացնել ՀՀ ոստիկանության Կենտրոնական բաժնի հետաքննիչի որոշումը քրեական գործի հարուցումը մերժելու մասին և հարուցել քրեական գործ «Երևանի Փակ շուկան ոչնչացնող» կառուցապատողի եւ Երևանի քաղաքապետ Տարոն Մարգարյանի դեմ: Ըստ դիմող կողմի՝ նրանք խախտել են ՀՀ քրեական օրենսգրքի մի քանի հոդվածներ, այդ թվում` ՀՀ ՔՕ 264-րդ հոդվածը` պատմության և մշակույթի հուշարձաններ ոչնչացնելը կամ վնասելը:
Այսօրվա նիստում Փոստանջյանի նրկայացուցիչ Հերմինե Միքայելյանը միջնորդեց իրեն տրամադրել 2 աշխատանքային օր՝ գործի նյութերին ծանոթանալու համար:
Դատարանը բավարարեց միջնորդությունը և, հետաձգելով այսօրվա նիստը, հայցվոր կողմին մեկ շաբաթ ժամանակ տրամադրեց: