ՀԱՊԿ միացյալ ուժերը շուտով նոր սպառազինություններ կստանան Ռուսաստանից

2013 թվականը բավականին հագեցած է եղել ՀԱՊԿ-ի համար` Ղրղզստանի նախագահությամբ. Այդ համատեքստում ՀԱՊԿ-ն օրակարգում եղել են այնպիսի հարցերի վերաբերյալ գործողություններ, ինչպիսիք Աֆղանստանին վերաբերող հարցերն են` իրավիճակի վերլուծությունը, սպասելիքների ու անելիքների սահմանումը եւ այն սպառնալիքների չեզոքացմանն ուղղված գործողությունների մշակումը, որոնք այս հարցում սպառնում են ՀԱՊԿ անդամ երկրների անվտանգությանը. Երեւան-Մեսկվա-Կիեւ-Աստանա տեսակամուրջի ժամանակ այսօր ներկայացրեց ՀԱՊԿ գլխավոր քարտուղար Նիկոլայ Բորդյուժան:

Նա նշեց, որ հսկայական ուշադրություն է դարձվել հատկապես ՀԱՊԿ ենթակայության տակ եղած բոլոր տեսակի ուժերի մարտական պատրաստականության բարձրացմանը, եւ այս առումով անցկացվել են մեծ քանակությամբ զորավարժություններ, որոնք բոլորն էլ հաջողությամբ են անցել:

«Ուրախալին այն է, որ անդամ երկրները, բացի ռազմական միավորներից, զբաղվել են նաեւ այլ ուժային կառույցների մարտական պատրաստականության բարձրացմամբ»,- նշեց Ն. Բորդյուժան:

Նա հիշեցեց ոստիկանության, թմրամիջոցների դեպ պայքարի մարմինների, խաղաղապահ ուժերի, արտակարգ իրավիճակների ուժերի եւ այլ տարբեր զորավարժությունների մասին: Բորդյուժան կարծիք հայտնեց, որ տարին շատ հաջող է եղել ՀԱՊԿ ուժերի նոր պոտենցիալների ու համագործակցության ոլորտների բացահայտման առումով եւս:

Լրագրողները հետաքրքրվեցին, թե այն ռազմական տեխնիկան ու նոր սպառազինություները, որոնք, ինչպես հայտարարվել էր ռուսական կողմից, պետք է հատկացվն ՀԱՊԿ անդամ երկրների` արագ արձագանքման կոլեկտիվ ուժերի ստորաբաժանումներին, ե՞րբ կսկսվեն: Նիկոլայ Բորդյուժան նախ պարզաբանեց, որ ռազմատեխնիկական համագործակցությունը ենթադրում է երկու ուղղություն. Առաջինը` անդամ-երկրների ղեկավարության կողմից իրենց ստորաբաժանումների համար նոր սպառազինությունների ձեռքբերումը, եւ երկրորդ` Ռուսաստանի կողմից ռազմատեխնիկական օգնության տրամադրումը: Երկրորդ ուղղությամբ, ինչպես նշեց ՀԱՊԿ գլխավոր քարտուղարկը, արդեն կա ՌԴ նախագահի համապատասխան որոշումը, եւ մոտ ժամանակներս այդ օգնությամբ նախատեսված ռազմական միջոցները կհասնեն գործընկերներին: