CNN-ը աղավաղել է Իրանի նախագահի խոսքերը

Ամերիկյան CNN հեռուստաալիքը աղավաղված է ներկայացրել Հոլոքոստի վերաբերյալ Իրանի նախագահ Հասան Ռոհանիի  մեկնաբանությունը. ըստ 9 канал Израиль-ի` պնդում է իրանական պաշտոնական Fars գործակալությունը։

Fars-ի համաձայն՝ Ռոհանին, պատասխանելով լրագրողի՝ Հոլոքոստի վերաբերյալ հարցին, ասել է. «Ես պատմաբան չեմ... Միայն պատմաբանները կարող են բացատրել պատմական դեպքերի ասպեկտները»: Ռոհանին, սակայն, իր խոսքում անգամ չի հիշատակել «Հոլոքոստ» բառը:

Մինչդեռ, ըստ CNN-ի, Ռոհանին իր խոսքում նշել է. «Ես պատմաբան չեմ եւ չեմ կարող խոսել Հոլոքոստի ծավալների մասին: Բայց կարող եմ ասել, որ ցանկացած հանցագործություն, որ տեղի է ունեցել մարդկության դեմ, ներառյալ` նացիստների կատարածը հրեաների նկատմամբ, քննադատելի է եւ դատապարտելի»: Ըստ Fars-ի՝ Իրանի նախագահը անգամ  չի ասել «դատապարտելի»: