Արդեն լսում եմ երաժշտության ձայնը. Իեն Գիլան

Քիչ առաջ Գյումրիում բացվեց Ազատ Շիշյանի անվան «Օկտետ» թիվ 6 երաժշտական դպրոցը, որի բացմանը ներկա էին ՀՀ նախագահ Սերժ Սարգսյանը, ՀՀ մշակույթի նախարար Հասմիկ Պողոսյանը, Deep Purple խմբի մենակատար Իեն Գիլանը և մի շարք բարձրաստիճան պաշտոնյաներ:

Լրագրողների հետ զրույցում Իեն Գիլանը նշեց, որ վերջապես տեսնում են իրենց նախաձեռնության ավարտը: «Արդեն լսում եմ երաժշտության ձայնը: Գյումրեցիներին մնում է տնօրինել և վայելել իրենց տրված հնարավորությունը: Կանադացի ընկերներիցս մեկը հսկա ներդրում ունեցավ այս գործում` ապահովեց որակյալ երաժշտական գործիքներով»,- ասաց նա:

ՀՀ նախագահ Սերժ Սարգսյանը կմասնակցի նաև դպրոցի սաների համերգին, ապա` դպրոցի տարածքում տեղի ունենալիք ծառատուկին: