Բեգլարյանն ասաց, թե որ դեպքում հրաժարական կտա

Տրանսպորտի եւ կապի նախարար Գագիկ Բեգլարյանը կառավարության նիստից հետո լրագրողների հետ զրույցում վստահեցրեց, որ տաքսիների վարորդներից իր հրաժարականի մասին պահանջ չի ստացել:

«Եթե խոսքը Վազգեն Հովհաննիսյա՞ն, թե՞ Տիգրան Մանուկյան... Տիգրան Հովհաննիսյանի մասին է խոսքը: Դե, բոլորդ տեսնում եք այդ տղայի հոգեվիճակը: Եթե նրանց առաջին ասուլիսը նայեք, կտեսնեք, որ պահանջում է իմ հրաժարականը, եթե միջմարզային ուղեվարձը չբարձրացնենք, իսկ վերջին ասուլիսում արդեն կարմիր գծերի համար է իմ հրաժարականը պահանջում... Այդ տղային դրդողները վիճակը պետք է հասկանան ու չշարունակեն»,- նշեց Բեգլարյանը:

Լրագրողներից մեկի հարցին, թե` ո՞ր դեպքում հրաժարական կտա, նա պատասխանեց. «Աստված մի արասցե, հիվանդության դեպքում հաստատ հրաժարական կտամ»: