Գուցե ՛՛շան գլուխը՛՛ ուրիշ տե՞ղ է թաղված

Հարություն Հարությունյանի «Ֆեյսբուքի» էջից

«Ազատություն» ռադիոկայանով լսեցի ՀՀԿ-ական Ռազմիկ Զոհրաբյանին եւ եւս մեկ անգամ համոզվեցի, որ գործ ունենք անմեղսունակների հետ: Պարզվում է, ըստ Զոհրաբյանի, այս ակցիաների շարքը ռուսներն ու համաշխարհային «իմպերիալիզմն» է կազմակերպել: Ըստ Ռազմիկ Զոհրաբյանի` ավտոպահեստամասերը, որ արտադրվում են Ռուսաստանում, թանկացել են, բրենդային ավտոմեքենաների պահեստամասերն էլ են թանկացել, եւ դա է պատճառը, որ գծատերերը թանկացնում են ուղեվարձը:

Զոհրաբյանը չանդրադարձավ այն հարցին, թե ինչպես է պատահում, որ Ռուսաստանի թշնամի պետությունում` Վրաստանում, ավտոպահեստամասերի գները 2-3 անգամ Հայաստանից էժան են, եւ Հայաստանի ավտոտերերի արդեն 2/3-ը գերադասում է ավտոմեքենաների պահեստամասերն ու հատկապես ավտոդողերը բերել հարեւան Վրաստանից: Իսկ միգուցե «շան գլուխը» ուրիշ տե՞ղ է թաղված: Հը՞»: