ԵՄ-ն բոյկոտ է հայտարարում Իսրայելին

Հուլիսի 19-ից ուժի մեջ է մտնում Եվրահանձնաժողովի հանձնարարականը, որն անօրինական է հայտարարում պաղեստինյան տարածքներում իսրայելական բնակավայրերը եւ ԵՄ անդամներին արգելում է որեւէ տնտեսական, մշակութային, մարզական, գիտական կապ ունենալ դրանց հետ. հայտնում է Голос России-ն: Որոշումը կայացվել է հունիսի վերջին:

Իսրայելն արդեն կոշտ արձագանքել է դրան` եվրոպացիներին մեղադրելով հակասեմականության մեջ եւ Բրյուսելի քայլերը համեմատելով «Երրորդ ռեյխի» գործողությունների հետ: 

Այսուհետ ԵՄ-ի եւ Իսրայելի միջեւ կնքվելիք պայմանագրերը գործելու են միայն Իսրայելի` մինչեւ 1967 թվականը եղած սահմաններում, այսինքն` դուրս են գալիս Հորդանանի Արեւմտյան ափի բնակավայրերը, Գոլանի բարձունքները, նաեւ Արեւելյան Երուսաղեմը: