Նախագահականում բոյկոտ չեն հայտարարել Կարեն Կարապետյանին

«Հանրապետության նախագահի աշխատակազմում, այսպես ասած, «թեւեր» գոյություն չունեն եւ չեն էլ կարող ունենալ»,- ասել է նախագահի մամուլի քարտուղար Արմեն Արզումանյանը՝ մեկնաբանելով մամուլի այն հրապարակումները, ըստ որոնց՝ նախագահի արարողակարգի աշխատակիցները բոյկոտ են հայտարարել աշխատակազմի ղեկավար Կարեն Կարապետյանին եւ նախագահական նստավայրում տարբեր թեւեր են ի հայտ եկել:

«Նախագահական նստավայրի բոլոր աշխատակիցներն ունեն միայն մեկ խնդիր. անվերապահ ու ժամանակին կատարել հանրապետության նախագահի բոլոր հանձնարարականները եւ սպասարկել նրա գործունեությունը: Որեւէ մեկն այլ խնդիրներ ունենալ պարզապես չի կարող»,- ասաց նա: