ՀՀԿ գրասենյակը փակ է` Սերժ Սարգսյանն արձակուրդում է. ՛՛Հրապարակ՛՛

Ըստ «Հրապարակ»-ի հավաստի աղբյուրների՝ Սերժ Սարգսյանն իր արձակուրդն անցկացնում է Գերմանիայում՝ Բադեն-Բադեն քաղաքում, որտեղ ամեն տարի ամռանը՝ մինչ Սևան գնալը, անցնում է բժշկական զննություն. հիշենք, որ Բադեն-Բադենն աշխարհում ամենահայտնի առողջարանային և զվարճանքային քաղաքներից է: Հունիսի 20-ին Սերժ Սարգսյանն այնտեղից կմեկնի Վիեննա՝ մասնակցելու ԵԺԿ գագաթնաժողովին:

Հայաստան կվերադառնա նույն օրը՝ 20-ի երեկոյան: Իսկ մինչ այդ ՀՀԿ գրասենյակը «մեռած է»՝ գրասենյակի բակում մեքենայի նմուշ անգամ չես գտնի. այնպիսի տպավորություն է, թե կուսակցությունն էվակուացրել են, շենքն էլ պետգույքի տնօրեն  Արման Սահակյանը վաճառել է: Որպես օրինաչափություն՝ ՀՀԿ գրասենյակում կյանքն սկսվում է ժամը յոթից հետո, սակայն նախորդ օրը «գրասենյակը փակ» էր:

Ինչո՞ւ եք դուռը փակել՝ լրագրողը հարցնում է պահակին: «Մարդ չկա վերևում»: Նույնիսկ «արթուն պահակներ» Ռուբիկ Թադևոսյանն ու Մուշեղ Լալայա՞նը: «Ռուբիկ Թադևոսյանը հենց նոր գնաց, Մուշեղ Լալայանը վերևում շախմատ է խաղում»: