Չեմ ուզում ինքս ինձնից զզվել, նոր հեռանալ. Վրեժ Իսրայելյանը` մահից առաջ գրած նամակում

Արդեն հայտնել էինք, որ այսօր Վաղարշյան փողոցի իր բնակարանում ինքնասպանություն է գործել արձակագիր, դրամատուրգ Վրեժ Իսրայելյանը:

Shamshyan.com-ի տեղեկություններով` օպերատիվ քննչական խումբը Վաղարշյան 19/1 շենքի թիվ 19 բնակարանի հյուրասենյակում՝ բազմոցի վրա հայտնաբերել է 64-ամյա Վրեժ Իսրայելյանի դին` աջ ձեռքին` հրազեն: Գրասեղանին հայտնաբերվել է նաև նամակ, որում, ըստ տեղեկությունների, Վ. Իսրայելյանը ինքնասպանությունից առաջ գրել է, որ շնորհակալություն է հայտնում Աստծուն, որ ունեցել է լավ կին, լավ որդի, լավ թոռնիկներ, եղբայր ու ընկերներ, բոլորից ներողություն է խնդրել և գրել է. «Չեմ ուզում ինքս ինձնից զզվել, նոր հեռանալ, մնաք բարով»: Նամակի մոտ դրված է նաև նրա «Վաղ, թե ուշ» գիրքը: