Պայքարիր իրավունքներիդ համար եւ զգա քո ցավը

Ջիմ Մորիսոնի մտքերից...

Մարդիկ վախենում են իրենք իրենցից, իրականությունից, բայց ամենաշատը` իրենց զգացմունքներից: Մարդիկ խոսում են մեծ սիրո մասին, բայց դա հիմարություն է: Սերը ցավոտ է: Զգացմունքները` անհանգստացնող: Մարդիկ գիտեն, որ ցավը դաժան է եւ վտանգավոր: Ինչպե՞ս պետք է սիրեն, եթե վախենում են զգացմունքներից: Ցավը մեզ արթնացնելու համար է:

Մարդիկ փորձում են թաքցնել իրենց ցավը: Բայց նրանք սխալ են:  Ցավը հաղթահարելով` զգում ես սեփական ուժը: Եվ այդպես ես դիմակայում: Դա միակ կարեւոր բանն է: Ցավը զգացմունք է: Քո զգացմունքները  քո մի մասն են: Քո սեփական իրականությունը: Եթե ամաչում ես դրանցից եւ թաքցնում ես դրանք, ուրեմն թույլ ես տալիս, որ հասարակությունը ոչնչացնի քո իրականությունը: Դու պետք է պայքարես իրավունքներիդ համար եւ զգաս քո ցավը:

 Թարգմանությունը` Էդիթ ՄԱՐԳԱՐՅԱՆԻ