Յուրաքանչյուր խաղ հաղթանակի համար ենք խաղում. Վարդան Մինասյան

Հայաստանի ազգային հավաքականի գլխավոր մարզիչ Վադան Մինասյանը  լրագրողների հետ հանդիպման ժամանակ ասաց, որ իրենք յուրաքանչյուր խաղ միայն հաղթանակի համար են խաղում:

«Յուրաքանչյուր խաղից առաջ մենք ունենք մեկ խնդիր` հաղթել: Ես չեմ կարող ասել, որ Մալթան թույլ է: Նրանց դեմ խաղը հեշտ չի լինելու: Տղաները լավ մարզավիճակում են, բացառությամբ` Կառլեն Մկրտչյանի: Հույս ունեմ` նա կկարողանա մասնակցել խաղին: Ինչ վերաբերում է Յուրա Մովսիսյանի` ուշ վերադառնալուն, դա կապված էր այն բանի հետ, որ նա ԱՄՆ-ում էր: Հավաքականում ոչ մի ֆուտբոլիստ արտոնություններ չունի, բոլորը հավասար են: Թիմի ներսում առողջ մթնոլորտ է»,- նշեց մարզիչը:

Հայաստան-Մալթա հանդիպումը կկայանա հունիսի 7-ին` ժամը 20:00-ին, «Հրազդան» մարզադաշտում: