Վրացի զինվորները դասալիք են դարձել, որ չմաքրեն արտաքնոցները

Վրաստանում ավելի քան 200 զինվոր ինքնակամ լքել է իր զորամիավորումը, ընդ որում` նրանցից մեկն այդ քայլը պատճառաբանել հրամանատարի` արտաքնոցները մաքրելու հրամանին ընդդիմությամբ: «Մենք` զինվորներս, այնտեղ են, որ ռազմարվեստին ծանոթանանք, այլ ոչ թե փայլեցնենք զուգարանները»,- ասել է նա «Ռուսթավի 2» հեռուստաալիքի թղթակցին:

Հեռանալով Պալդո դաշտային ճամբարից` զինվորները 15 կմ անցել են ոտքով, հետո տարբեր փոխադրամիջոցներով իրենց տները գնացել: Զենքը նրանք թողել են զորամասում. տեղեկացնում է apsny.ge-ն:

Վրաստանի ԶՈւ գլխավոր շտաբի պետ Իրակլի Ձենելաձեն հաստատել է այդ տեղեկությունը, նաեւ ընդգծել, որ այդ զինվորներին տրված հրամանը համապատասխանում է կանոնակարգին եւ նպատակ չի ունեցել նվաստացնել նրանց: «Ով չի կատարում պարտականությունները, զինվոր չի դառնա»,- հայտարարել է նա:

Ներկայումս Վրաստանում  18-27 տարեկանները զորակոչվում են 15 ամսով: