Թուրքիան պետք է հետեւի Գերմանիայի օրինակին. Ալեքսանդր Եգորով

Կոմպոզիտոր, պրոդյուսեր, հասարակական գործիչ Ալեքսանդր Եգորովը Analitika.at.ua-ի հետ զրույցում հայտարարել է, որ Թուրքիան պետք է ճանաչի Հայոց ցեղասպանությունը, ներողություն խնդրի, փորձի ներում ստանալ եւ նոր պատմություն ու բարեկամական հարաբերություններ ստեղծի երկու ժողովուրդների միջեւ: 

«Գերմանիան չամաչեց զղջալ ու ներողություն խնդրել հրեաներից ու աշխարհից ֆաշիստական վարչակազմի վայրագությունների համար: Նույնը պետք է անի նաեւ պաշտոնական Անկարան` իրենց մաքրելով նախնիների հանցագործությունների խարանը, հատկապես` որ ձգտում է Եվրամիություն: Բացի դրանից` նաեւ Ադրբեջանը պետք է դադարեցնի իր հակահայկական քաղաքականությունը` սկսված Բաքվում եւ Սումգայիթում, եւ ճանաչի Լեռնային Ղարաբաղի ինքնորոշման իրավունքը»,- նշել է Եգորովը: