30 մլն եվրո` Մխիթարյանի դիմաց

Դոնեցկի «Շախտյորը» հայ կիսապաշտպան Հենրիխ Մխիթարյանին  գնահատել է 30 մլն եվրո: Այս մասին հայտնում է championat.com-ը` վկայակոչելով «Известия» պարբերականը:

Մխիթարյանի և ուկրաինական ակումբի պայմանագրի ժամկետը սպառվում է 2015-ին, սակայն նրանով արդեն սկսել են հետաքրքրվել մի շարք ակումբներ: Այս մասին ավելի մանրամասն խոսել է «Շախտյոր»-ի մամուլի քարտուղար Ռուսլան Մամրազովը:

«Մեզ շատ առաջարկներ են գալիս այս կամ այն ակումբից` կապված Մխիթարյանի տեղափոխման հետ: Կարծում եմ, որ դրա մեջ ոչ մի տարօրինակ բան չկա: Նա, իրոք, հիանալի խաղ է ցուցադրում: Սակայն հետաքրքվելը տարբերվում է կոնկրետ առաջարկներից, որոնք դեռ չկան: Բացի այդ` Հենրիխ  Մխիթարյանը հայտարարել է, որ ցանկանում է մնալ ակումբում մինչև պայմանագրի ավարտը: Ինչ վերաբերում է տրանսֆերի արժեքին, դա փակ ինֆորմացիա է»,- ասել է նա: