Խամենեին այլեւս դեմ չէ ԱՄՆ-ի հետ բանակցություններին

Իրանի գերագույն առաջնորդ այաթոլլա Ալի Խամենեին այլեւս դեմ չէ ԱՄՆ-ի հետ ուղիղ բանակցություններ վարելու գաղափարին, սակայն վստահ չէ, որ դրանք արդյունավետ կլինեն. տեղեկացնում է РИА Новости-ն:

Այաթոլլան համարում է, որ Վաշինգտոնի նպատակը բանակցությունների ընթացքում Թեհրանի վրա ճնշում գործադրելն է, այլ ոչ թե պայմանավորվելը: Իսկ Իրանի դիրքորոշումը բանակցություններում այն է, որ համոզեն` իրենց միջուկային ծրագիրը խաղաղ բնույթ ունի:

Ներկայումս Իրանի դեմ ՄԱԿ-ի Անվտանգության խորհրդի կողմից ընդունված 4 բանաձեւ կա, նաեւ ԱՄՆ-ը եւ մի շարք եվրոպական երկրներ, իրենց հերթին, պատժամիջոցներ են սահմանել Թեհրանի նկատմամբ: