Ինչո՞ւ պապն ընտրեց Ֆրանցիսկ անունը

Հռոմի պապը պատմել է, թե ինչպես է ընտրել Ֆրանցիսկ անունը: Նա լրատվամիջոցների հետ հանդիպման ժամանակ բացատրել է, թե ինչպես է ընտրել հովվապետական այս անունը:

Ինչպես հաղորդում է «ԻՏԱՌ-ՏԱՍՍ»-ը, նա հիշել է այն պահը, երբ հայտնի է դարձել, որ իր թեկնածությունը դնելու համար քվեարկության ժամանակ ձայների նվազագույն քանակը հավաքվել է:

«Կողքիս նստած էր իմ ավագ ընկեր կարդինալ Խումմեսը, նա ինձ գրկեց, համբուրեց և ասաց` հիշիր աղքատներին»,- պատմել է Հռոմի պապը` մի կողմ դնելով նախապես գրված իր ելույթի տեքստը: Եվ այդ ժամանակ էլ նա հիշել է կաթոլիկ եկեղեցու սուրբերից Ֆրանցիսկ Ասիզիացուն` աղքատների և խաղաղության սրբին:

Հավաքված լրագրողները բուռն ծափահարություններով են ընդունել Հռոմի պապի այս խոստովանությունը: