Ճապոնացիները հարգել են Սումգայիթյան զոհերի հիշատակը

Տոկիոյում Հայաստանի դեսպանությունում տեղի է ունեցել սումգայիթյան ոճրագործության 25-ամյա տարելիցին նվիրված երեկո, որին ներկա են եղել Ճապոնիայում գործող Ճապոնիա-Հայաստան ընկերակցություն եւ Ճապոնիա-Հայաստան բարեկամության ասոցիացիա կազմակերպությունների ու հայ համայնքի ներկայացուցիչներ:

Միջոցառման ընթացքում դեսպան Հրանտ Պողոսյանն անդրադարձել է 20-րդ դարի վերջին Ադրբեջանում հայերի դեմ իրագործված կազմակերպված բռնություններին եւ ջարդերին, ինչպես նաեւ Ադրբեջանի կողմից մինչ այժմ էլ լայնորեն իրականացվող հակահայկական քարոզչությանը: Դեսպանը նշել է, որ նման հանցագործությունները պետք է բարձրաձայնվեն եւ դատապարտվեն, որպեսզի կանխվի դրանց կրկնությունը հետագա սերունդների համար:

Մասնակիցները մեկ րոպե լռությամբ հարգել են սումգայիթյան անմեղ զոհերի հիշատակը: