Պանինին մահվանից առաջ ծեծե՞լ են

Lifenews-ը ռուս հայտնի դերասան Անդրեյ Պանինի կասկածելի մահվան վերաբերյալ որոշ մանրամասներ է հաղորդում:

Ըստ այդմ` դերասանը մահանալուց առաջ գլխի շրջանում վնասվածքներ ստացել է կա'մ մի քանի անգամ ընկելու հետևանքով, կա'մ էլ ինչ-որ մեկն է նրան հարվածներ հասցրել:

Ի սկզբանե, դիակի նախնական զննությամբ, դերասանի գլխի հատվածում վնասվածք էր նկատվել, ինչը թույլ էր տվել ենթադրել, թե նա դժբախտ պատահարի արդյունքում վայր է ընկել և ստացած վնասվածքից մահացել: Սակայն հետագայում Պանինի մարմնի վրա այլ հետքեր էլ են հայտնաբերվել, ինչից էլ առաջ է եկել երկրորդ վարկածը` նա մահից առաջ վիճաբանել է ինչ-որ մեկի հետ: Ի դեպ, փորձաքննությամբ պարզվել է, որ նրա մահը վնասվածքը ստանալուց անմիջապես հետո չի վրա հասել: