ԶԼՄ-ները պարզել են Հռոմի պապի հրաժարականի իրական պատճառը

Հռոմի Բենեդիկտոս 16-րդ պապի անսպասելի հրաժարականի իրական պատճառը Վատիկանի շուրջ սկանդալն է. տեղեկացնում է РБК-ն` վկայակոչելով իտալական Repubblica թերթը:

Լրագրողները պնդում են, որ դեռեւս դեկտեմբերի 17-ին Հռոմի պապը զեկուցագիր է ստացել, որում խոսվում է Վատիկանի բարձրաստիճան պաշտոնյաներին համասեռամոլության համար շանտաժի ենթարկելու մասին: 300 էջանոց փաստաթղթում խոսք է գնացել մի շարք կարդինալների մասին: Բացի դրանից` մի շարք պաշտոնյաներ մեղադրվում են Վատիկանի ֆինանսական միջոցների յուրացման մեջ:

Հռոմի կաթոլիկ եկեղեցու մամուլի քարտուղար Ֆեդերիկո Լոմբարդին հրաժարվել է մեկնաբանել թերթում նշված փաստերը: Որոշ տվյալներով` Վատիկանում ստեղծվել է հատուկ հանձնաժողով, որը պետք է քննի դրանք: