ԱՄՆ-ը խոստացել է պարզել Լիբանանում տեղի ունեցած պայթյունի պատճառը

ԱՄՆ-ի պաշտպանության նախարար Մարկ Էսպերը հայտարարել է Լիբանանում տեղի ունեցած սարսափելի պայթյունի բոլոր հանգամանքները պարզելու՝ երկրի մտադրության մասին:

Ըստ նրա, մեծ մասը հավատում է դժբախտ պատահարի վարկածին, բայց ԱՄՆ-ն իր եզրակացությունները կհաղորդի միայն լիարժեք տեղեկատվություն հավաքելուց հետո:

Բացի այդ, ԱՄՆ-ն արդեն հայտարարել է լիբանանյան կառավարությանը անհրաժեշտ հումանիտար և բժշկական օգնություն ցուցաբերելու պատրաստակամության մասին:

Նմանատիպ հայտարարություն է արել ԱՄՆ Պետդեպարտամենտի ղեկավար Մայք Պոմպեոն, ով հեռախոսով խոսել է Լիբանանի վարչապետ Հասան Դիաբի հետ:

«Պետքարտուղարը վերահաստատել է լիբանանցիներին օգնելու մեր հանձնառությունը, քանի որ գործ ունենք այս սարսափելի միջադեպի հետևանքների հետ», - ասված է Պետդեպարտամենտի հայտարարության մեջ: