Մեծ Բրիտանիան չի վերադարձնի Հնդկաստանի եւ Հունաստանի գանձերը

Մեծ Բրիտանիայի վարչապետ Դեւիդ Քեմերոնը հայտարարել է, որ Լոնդոնը չի պատրաստվում Հունաստանին վերադարձենլ Պարթենոնի արձանները, որոնք այնտեղից դուրս են բերվել լորդ Էլգինի կողմից:

Վարչապետն այդ մասին հայտարարել է Հնդկաստան այցի ժամանակ, երբ նրան հարցրել են` պատրա՞ստ է, արդյոք, Մեծ Բրիտանիան Հնդկաստանին վերադարձնել «Կոհինոր» կոչվող հայտնի ալմաստը, որը ներկայումս զարդարում է թագուհու թագը: 105 կարատանոց ալմաստը Հնդկաստանից Մեծ Բրիտանիա է տարվել գաղութացման տարիներին, եւ հիմա բացմաթիվ հնդիկներ, այդ թվում` Մահաթմա Գանդիի թոռը, պահանջում են, որ այն վերադարձվի: Նրանք համարում են, որ այդպիսով Բրիտանիան կքավի Հնդկաստանի առջեւ ունեցած մեղքերի մի մասը:

Սակայն Քեմերոնը մերժողական պատասխան է տվել` հայտարարելով, որ նույնը ասվում է «Էլգինի մարմարների» կապակցությամբ: