Լացող կինը` Սերժ Սարգսյանի ելույթի ժամանակ

Այսօր` քարոզարշավի նախավերջին օրը, գործող նախագահ, նախագահի ՀՀԿ-ական թեկնածու Սերժ Սարգյանը ելույթ ունեցավ Կարեն Դեմիրճյանի անվան մարզահամերգային համալիրում: Ինչպես նախորդ, այնպես էլ այս հանդիպման ժամանակ բոլոր մասնակիցները հստակ գիտեին իրենց տեղերը, իսկ լրագրողների համար այնպիսի «պայմաններ» էին ստեղծված, որպեսզի վերջիններս որեւէ կերպ չկարողանան հաղորդակցվել ՀՀԿ վերնախավի հետ:

Yerkir.am-ի թղթակիցը մի ուշագրավ տեսարանի ականատեսը եղավ. մինչեւ Սերժ Սարգսյանը բարձր տրամադրությամբ կարդում էր իր ելույթը, նրանից ոչ շատ հեռու` անմիջապես բեմի դիմաց` նախագահի անվտանգության աշխատողների կողքին մի կին լալիս էր: Թե ով էր նա եւ ինչու էր նախագահի ամեն արտաբերած խոսքից, հատկապես` զինվորների մասին, արտասվում, մենք պարզել չկարողացանք: Կինը շատ արագ հեռացավ` նախագահի ելույթի կեսից: