ԲՀԿ-ն անհետաքրքիր թեմա է ՀՔՄ նախագահի համար

Քաղաքագետների միության նախագահ Հմայակ Հովհաննիսյանն այսօր լրագրողների հետ հանդիպման ժամանակ ասաց, որ չի ցանկանում անդրադառնալ ԲՀԿ-ին, քանի որ դա շատ անհետաքրքիր թեմա է, բայց, այնուամենայնիվ, մոտ 30 րոպե խոսեց Ծառուկյանի մասին:

Նրա խոսքով` Գագիկ Ծառուկյանը հուսախաբ արեց երեք նախագահներին, սակայն ամենասարսափելի հարվածը ստացավ Լևոն Տեր-Պետրոսյանը:  Նա պատահականություն չի համարում նաև  ԲՀԿ  ղեկավարի բրյուսելյան այցը և համարում է, որ այն տեղի է ունեցել Սերժ Սարգսյանի թույլտվությամբ:

«ԲՀԿ-ն հրաժարվեց այն ուղեգծից, որը որդեգրել էր ամիսներ առաջ: Մոտ 10 ամիս առաջ ես ասում էի, որ Ծառուկյանը կսատարի Սերժ Սարգսյանին, այդպես էլ եղավ»,- ասաց նա:

Yerkir.am-ի դիտարկմանը, թե մոտ 10 ամիս առաջ ինքը` Հմայակ Հովհաննիսյանն էլ էր հայտարարել, թե հեռանալու է Հայաստանից, ինչո՞ւ է մտափոխվել, Հովհաննիսյանը պատասխանեց հարցով:

«Իսկ դուք ուրախացե՞լ էիք դրանից: Եթե դուք ուրախացել էիք, ասեմ, որ հարյուր հազարավոր մարդիկ տխրել էին և հորդորեցին չգնալ երկրից»: