Վարդան Օսկանյանին եւ Լեւոն Զուրաբյանին կանչել են ՀՔԾ

Հատուկ քննչական ծառայությունը սկսել է ուսումնասիրել ԱԺ պատգամավորներ Լեւոն Զուրաբյանի եւ Վարդան Օսկանյանի դիմումը, որով վերջիններս պահանջում են բացահայտել ու պատասխանատվության ենթարկել «Ռիչ» սրճարանում ամիսներ առաջ տեղի ունեցած իրենց զրույցը գաղտնալսողներին եւ ձայնագրությունը հրապարակողներին. գրում է «Ժողովուրդը»:

Ավելին` պատգամավորներն այսօր հրավիրվել են ՀՔԾ՝ դիմումի վերաբերյալ բացատրություններ ներկայացնելու:

«Հետաքրքիր է` տարբեր քաղաքական խաղաքարտեր խառնած այդ գաղտնալսումն իրականացնողն ու տարածողը կհայտնաբերվի՞, թե՞ հերթական անգամ կկոծկվի հանցանքը: Ամեն դեպքում, պետք է փաստել, որ գաղտնալսման հրապարակումը մեր երկրի կարեւորագույն հարցերից շեղեց հանրության ուշադրությունը: Գուցե դրա համա՞ր էր մտածված այդ ամենը»,- հարցադրում է կատարում «Ժողովուրդը»: