ՀՀ եւ ՌԴ նախագահներն առանձնազրույց կունենան

Հավաքական անվտանգության պայմանագրի կազմակերպության (ՀԱՊԿ) հավաքական անվտանգության խորհրդի նիստում, որն այսօր տեղի է ունենալու Կրեմլում, քննարկվելու է կազմակերպությանն Ուզբեկստանի անդամակցության հարցը, Աֆղանստանում տիրող իրավիճակը, ռազմական համագործակցության բարելավման հարցեր: РИА Новости-ի հաղորդմամբ` այս մասին հայտարարել է Ռուսաստանի նախագահ Վլադիմիր Պուտինի օգնական Յուրի Ուշակովը: 

Կազմակերպության հավաքական անվտանգության խորհրդի նիստին մասնակցելու են Հայաստանի, Բելառուսի, Ղազախստանի, Ղրղզստանի, Ռուսաստանի եւ Տաջիկստանի նախագահները:

Ռուսաստանի նախագահ Վլադիմիր Պուտինը նաեւ երկկողմ հանդիպումներ կունենա Բելառուսի նախագահ Ալեքսանդր Լուկաշենկոյի, Ղազախստանի նախագահ Նուրսուլթան Նազարբաեւի եւ Հայաստանի նախագահ Սերժ Սարգսյանի հետ: