Պետերբուրգում կարգելվի նարգիլե ծխելը

Սանկտ Պետերբուրգի Օրենսդիր ժողովը օրենքի նախագիծ է ընդունել, համաձայն որի` արգելվում է նարգիլե ծխելը հասարակական վայրերում` սրճարաններում եւ ռեստորաններում: Նախագիծն ուղարկվել է ՌԴ Պետդումա. հաղորդում է ИТАР-ТАСС-ը:

Պետերբուրգի պատգամավորներն առաջարկում են տուգանել նարգիլե ծխողներին 500-1500 ռուբլով, իսկ ժամանցային վայրերի ղեկավարությանը, որոնք նարգիլը ծխելը կթույլատրեն, 20-30 հազար ռուբլով:

Օրենսդիր ժողովի խոսնակ Վադիմ Տյուլպանովը բացատրել է, թե նարգիլեի ծուխը հարյուր անգամ ավելի վտանգավոր է, քան սովորական ծխախոտինը. «Նույնիսկ այն երկրներում, օրինակ` Թուրքիայում, Եգիպտոսում, որտեղ տարածված է նարգիլեն, պայքարում են այդ չարիքի դեմ»: