Հայտնաբերել են եւս 2 դիակ

Հոկտեմբերի 12-ին` ժամը 17.00-ի սահմաններում, Տավուշի սողանքի գոտում փրկարարները որոնողական աշխատանքների ժամանակ հողաշերտի տակ հայտնաբերել են ևս երկու դիակ: Նրանց ինքնությունը դեռ չի պարզվել. տեղեկացնում է ԱԻՆ «Արտակարգ ալիք» լրատվականը:

Այսօրվա դրությամբ` անհայտ կորած են համարվում երկուսը` Արթուր Գուրգենի Հակոբյանը (1992 թ. ծնված, Վրաստանի քաղաքացի) և Գուրգեն Մովսեսի Հակոբյանը (1949 թ. ծնված, Վրաստանի քաղաքացի):

Երկու օր առաջ փրկարարները սողանքի գոտում հայտնաբերել էին անհայտ կորածների ցուցակում նշվող` 1973 թ. ծնված Արմեն և 1964 թ. ծնված Մեխակ Սորսումատյան եղբայրների, իսկ հոկտեմբերի 11-ին` 1939 թ. ծնված Նորայր Միրզոյանի մարմինները: