Դիակ` բնակարանում եւ գետում

Փետրվարի 3-ին` ժամը 09.17-ին, ահազանգ է ստացվել, որ Երևանի Տիգրան Մեծի պողոտայի թիվ 27/2 շենքի 66-րդ բնակարանի բնակիչը չի արձագանքում հեռախոսի և դռան զանգերին:

Դեպքի վայր է մեկնել հատուկ փրկարար ջոկատի հերթապահ խումբը: Ժամը 10.00-ին փրկարարների ուժերով, հարազատների ներկայությամբ, բացվել է բնակարանի դուռը: Հյուրա­սենյակում հայտնաբերվել է 1921 թ. ծնված Վարդանուշ Հովհաննիսյանի դին. տեղեկացնում է «Արտակարգ ալիք» լրատվական կենտրոնը:

Նույն օրը` ժամը 10.38-ին, տեղեկություն է ստացվել, որ Տավուշի մարզի Աղստև գետում հայտնաբերվել է դիակ և անհրաժեշտ է փրկարարների օգնությունը:

Դեպքի վայր է մեկնել մարզային փրկարարական վարչության փրկարար ջոկատը:

Փրկարարների ուժերով գետից դուրս է բերվել Իջևան քաղաքի բնակիչ, 1952 թ. ծնված Վոլոդյա Գրիգորյանի դին և հանձնվել ոստիկանության ու շտապ բուժօգնության աշխատակիցներին: