Ավտովթար Սեւան-Երեւան ավտոմայրուղում. կան զոհեր

Այսօր վաղ առավոտյան Սևան-Երևան ավտոճանապարհի 15-րդ կիլոմետրում տեղի է ունեցել ավտոպատահար,

Ինչպես տեղեկացնում է ԱԻՆ «Արտակարգ ալիք» լրատվականը, բախվել են «ԳԱԶել» մակնիշի Տ 361 ՈՒՌ պետհամարանիշով (վարորդ` Գոռ Սարգսյան, ծնվ.1978թ.) և «ԶԻԼ-130» մակնիշի 28 ՍՕ 837 պետհամարանիշով (վարորդ` Ռուսլան Բալինյան, ծնվ.1951թ.) ավտոմեքենաները:

Փրկարարները «ԳԱԶել»-ից դուրս են բերել մոտ 30-35 տարեկան երկու կնոջ դի և հանձնել շտապ օգնության աշխատակիցներին: Մեկ տղամարդ և մեկ կին տարբեր աստիճանի մարմնական վնասվածքներով տեղափոխվել են, համապատասխանաբար, Սևան և Հրազդան քաղաքների հիվանդանոցներ:

Տուժածների ինքնությունը առայժմ պարզել չի հաջողվել: