Վթար` Երևան-Սևան ավտոմայրուղում

Երեկ` ժամը 22.30-ին ահազանգ է ստացվել, որ Երևան-Սևան ավտոմայրուղու 26-րդ կիլոմետրում տեղի է ունեցել ճանապարհատրանսպորտային պատահար, կան տուժածներ:

Ինչպես տեղեկացնում է «Արտակարգ ալիքը», դեռևս չպարզված հանգամանքներում «Օպել» մակնիշի 08 ՍՕ 420 պետհամարանիշով ավտոմեքենան դուրս է եկել ճանապարհի երթևեկելի մասից և շրջվել, ինչի հետևանքով վարորդը` 1976 թ. ծնված Սարգիս Մինասյանը, և ուղևորը` 1976 թ. ծնված Ավետիկ Մադոյանը, ստացել են տարբեր աստիճանի մարմնական վնասվածքներ:

Մինչ փրկարարների հասնելը տուժածներին դուրս են բերել ավտոմեքենայից և շտապօգնության ավտոմեքենայով տեղափոխվել Երևանի «Ս. Գրիգոր Լուսավորիչ» բժշկական կենտրոն: Ըստ հերթապահ բժշկի` տուժածների առողջական վիճակը միջին ծանրության է:

Վթարի հետևանքով տեղի է ունեցել վառելիքի արտահոսք: Հրշեջ-փրկարարներն իրականացրել են լվացման աշխատանքներ: