Զարմացավ, որ "Ազատ դեմոկրատներ" կուսակցություն կա

Այսօր մամուլի ասուլիսի ժամանակ ՀՌԱԿ նորընտիր ատենապետ Հարություն Առաքելյանը խիստ զարմացավ` լսելով «Ազատ դեմոկրատներ» կուսակցության անունը:

«Էդ ովքե՞ր են,- լրագրողի հարցին ի պատասխան` հնարավո՞ր է, արդյոք, որ ՀՌԱԿ-ը միավորվի «Ազատ դեմոկրատների» հետ, հարցրեց նա:- Գրանցվել ա՞ դա... Ասենք, եթե դեսպանը գնում է այնտեղ, նշանակում ա` տենց կուսակցություն կա՞»:

Այնուհետեւ հավելեց, որ եթե «Ազատ դեմոկրատները» ազատական արժեքների կրողներ լինեն եւ ազգայինը չզոհաբերեն հանուն գլոբալիզացման գործընթացների, հնարավոր է` միավորվեն:

«Անկեղծ ասած` չկա կուսակցություն, որի հետ թշնամական հարաբերություններ ունենանք: Մի հատը կա, որ իրեն կուսակցություն է կոչում, նույն Հակոբ Ավետիքյանը, բայց դե գիտեմ` ոչ ոք նրանց լուրջ չի ընդունում: Մնացած լուրջ ուժերի հետ մենք որեւիցե խնդիր չունենք»,- նշեց Հարություն Առաքելյանը: