Մեկնարկեց ՀԱԿ-իշխանություն հերթական հանդիպումը

Կառավարության ընդունելությունների տանը սկսվեց ՀԱԿ-Իշխանություն երկխոսության չորրորդ հանդիպումը, որն ինչպես նախորդ հանդիպումների նման ընթանում է փակ դռների ետևում: Լրագրողներին հնարավորություն տրվեց միայն երկու րոպե գտնվել հանդիպման սրահում` նկարահանումներ կատարելու համար: Բանակցող կողմերից և ոչ ոք չշփվեց լրագրողների հետ:

Հիշեցնենք, որ նախորդ հանդիպման ընթացքում կողմերը աշխատակարգ էին մշակել եւ որոշել էին հանդիպել շաբաթական երկու անգամ: Սակայն օրակարգային հարցերի շուրջ բովանդակային քննարկում տեղի չէր ունեցել:

Այսօրվա հանդիպման ընթացքում նախատեսվում է քննարկել ընդդիմության առաջարկած արտահերթ ընտրությունների հարցը:

Ի դեպ, ԲՀԿ-ից Նաիրա Զոհրաբյանն այս հանդիպմանը չի մասնակցում. հանգստանում է Բուլղարիայում: