Ստիպված են խոստովանել

Թուրքիայում քարտեզները մինչ տպագրվելը խիստ գրաքննություն են անցնում: Աշխարհի որեւէ այլ երկրում աշխարհագրական անունների այդքան փոփոխություններ չեն եղել, որքան Թուրքիայում. գրում է թուրքական Taraf թերթը:

Տեղանունների ամենաշատ փոփոխություններ կատարվել են երկրի հյուսիս-արեւելք` Սեւ ծովի առափնյա շրջաններում, նաեւ հարավ-արևելքում, որտեղ գերակշռում է քուրդ բնակչությունը: Ըստ պարբերականի` դա իշխանությունների` ամեն ինչ թուրքացնելու հետեւողական, միտումնավոր քաղաքականությունն է: Իսկ քրդերը համառորեն պահանջում են հետ վերադարձնել հին տեղանունները:

Ի դեպ, թերթը նաեւ նշում է, որ թեեւ քրդերը, օրինակ, Նորաշեն անվանումը քրդերեն են համարում, սակայն այն հայերեն է եւ նշանակում է նոր շինություն: Նաեւ հիշեցնում է, որ Թուրքիայի տեղանունների մեծ մասը հայկական ծագում ունի: