Ուկրաինայի ԱԳՆ ղեկավարը խոստովանել է, որ մոտ ապագայում կործանիչների մատակարարում չի ակնկալում

Ուկրաինայի արտաքին գործերի նախարար Դմիտրի Կուլեբան խոստովանել է, որ Ուկրաինա կործանիչների արագ մատակարարում չի ակնկալում։

«Ես չեմ ակնկալում, որ կործանիչների մատակարարումը շուտով կլինի, քանի որ դա շատ բարդ խնդիր է նյութատեխնիկական ապահովման եւ տեխնոլոգիայի առումով», - ասել է նա գերմանական Bild am Sonntag թերթին:

«Ուստի մենք ասում ենք, որ ուկրաինացի օդաչուների վերապատրաստումն արեւմտյան կործանիչների վրա պետք է սկսել հենց հիմա, որպեսզի երբ ինքնաթիռների մատակարարման վերաբերյալ որոշում կայացվի, մենք ժամանակ ու ամիսներ չկորցնենք վերապատրաստման վրա», - հավելել է Ուկրաինայի արտգործնախարարը։

Ավելի վաղ Ուկրաինայի ԶՈՒ ռազմաօդային ուժերը հայտարարել էին, որ Լեհաստանի եւ Սլովակիայի «ՄիԳ-29» կործանիչները կբարձրացնեն ինքնաթիռների պարկի մարտունակությունը, որն այժմ ունի Ուկրաինայի զինված ուժերը։ Միաժամանակ նրանք հավելել էին, որ ռուսները բազմապատիկ ավելի շատ ավիացիոն խմբավորում ունեն, ուստի Ուկրաինային այժմ ավելի լավ տեխնիկա է հարկավոր, քան «ՄիԳ-29»-ը։ Օրինակ՝ ամերիկյան F-16 կործանիչներ։

Մինչ այդ Լեհաստանի նախագահ Անջեյ Դուդան ասել էր, որ Վարշավան պատրաստ է Ուկրաինային կործանիչներ տրամադրել, գրում է УНИАН-ը։