Հուշագիրը ստորագրված է...

Այսօր կրթության եւ գիտության նախարար Արմեն Աշոտյանը եւ ՄԱԿ-ի զարգացման մշտական ներկայացուցիչ Դաֆինա Գերչեւան ստորագրեցին հուշագիր, ըոտ որի` դպրոցում կիրականացվի մարդու իրավունքների ուսուցման գնահատում, որին կհաջորդի գործողությունների ազգային համապարփակ ծրագրի ստեղծումը:

Աշխատանքները կիրականացնի ազգային եւ միջազգային փորձագիտական խումբը:

ԿԳ նախարարը նշեց, որ հուշագիրը նպատակ ունի մարդու իրավունքների կրթության ծրագիրը հանրակրթական դպրոցներում առավել ամփոփ եւ ռազմավարական դարձնել:

«Կուզեի, որ մարդու իրավունքների ուսուցումը դառնա կրթական գործընթացի մի մասը եւ նպաստի ինչ-ինչ արժեքների ստեղծմանը»,- ասաց Աշոտյանը:

Դաֆինա Գերչեւան, իր հերթին, նշեց, որ իր համար կարեւոր իրադարձություն էր հուշագրի ստորագրումը, քանի որ նրա կարծիքով` Հայաստանի ապագայի համար կրթությունը շատ կարեւոր դեր ունի:

«Այժմ մենք ապրում ենք գիտելիքի դարում, եւ շատ կարեւոր է մարդու իրավունքների ճիշտ ուսուցումը: Ես հույսով սպասելու եմ լավ արդյունքների»,- ասաց նա: