Պաշտոնյայի հրաժարականը փրկություն չէ

Հրաժարական տալիս է այն մարդը, ով պրոֆեսիոնալ է եւ տեսնում է, որ տվյալ պարագայում չի կարող դրական արդյունք ունենալ: Հրաժարական չեն տալիս այն մարդիկ, ովքեր պրոֆեսիոնալ չեն եւ երկրի մասին մտածելու նպատակ էլ չունեն:

Այս մասին այսօր լրագրողների հետ հանդիպման ժամանակ ասաց կառավարման փորձագետ Հարություն Մեսրոբյանը եւ նշեց, թե հենց այս իրավիճակին էլ ականտես ենք լինում Հայաստանում: Իսկ երկիրը լճացած վիճակից դուրս բերելու համար հարկավոր է, որ կա'մ երկրի առաջնորդը կոշտ քաղաքականություն որդեգրի, կա'մ ժողովուրդն ընդվզի, հասնի իշխանափոխության:

Հայրենական արտադրողների միության նախագահ Վազգեն Սաֆարյանն այլ ելք է տեսնում. պետք է ստիպել կառավարությանը աշխատել: Իսկ թե ինչու՞ ստիպել, մի՞թե այն կոչված չէ աշխատելու համար, օդում կախված հարց է: