ՀԱՅԿԱԿԱՆ ԺԱՄԱՆԱԿ. Պահանջում են

Այսօր Արարատի մարզի Նորաբաց գյուղի մի քանի տասնյակ բնակիչներ այցելելու են ՀՀ ՊՆ` պահանջելու, որպեսզի հուլիսի 28-ից անհետացած, այնուհետեւ անհայտ պայմաններում մահացած իրենց համագյուղացու՝ 20-ամյա ժամկետային զինծառայող Տիգրան Համբարձումյանի գործի նախաքննության ընթացքում բացահայտվի տեղի ունեցածը, այլ ոչ թե պարտակվի:

Այս մասին երեկ մեզ հայտնեցին Նորաբացի բնակիչները:

Համբարձումյանի դին հայտնաբերվել էր հուլիսի 29-ին Կապանի զորամասին կից գտնվող անտառում: Այդ առթիվ քրեական գործ է հարուցվել ՀՀ քրեական օրենսգրքի 110 հոդվածի (ինքնասպանության հասցնելը) հատկանիշներով, մինչդեռ Տիգրանի հարազատները բացառում են ինքնասպանության վարկածը եւ համոզված են, որ տեղի ունեցածն իրականում սպանություն է: