Կարկուտից աչք չենք բացում

Քիչ առաջ Երևանում եւ Արարատյան դաշտավայրում հերթական անգամ կարկուտ տեղաց:

Մինչ այդ էլ` կարկուտը մոտ 70 տոկոսով վնասել էր Արմավիրի, Շիրակի եւ Սյունիքի ցանքատարածություններն ու բերքատու այգիները:

Օրերս արմավիրցիները մարզպետարանի մոտ ցույցի էին դուրս եկել` պահանջելով օգնություն հատկացնել կարկուտի վնասները մեղմելու համար: Մյուս մարզերում նույնպես բնության քմահաճույքներից տուժած վարկառու գյուղացիները հայտնվել են անելանալի վիճակում:

Փաստորեն, այս տարի ևս իրականանում են գյուղատնտեսության համար աննպաստ տարի լինելու` ամենահոռետեսական կանխատեսումները: Այս պայմաններում անհասկանալի է մնում գյուղնախարարությունում Սբ Էջմիածնի լիազոր ներկայացուցչի դերակատարության և հետագա պաշտոնավարման նպատակահարմարության հարցը: