Օրինակելի նախաձեռնություն

Օրեր առաջ Հայաստանում Մեծ Բրիտանիայի դեսպան Չարլզ Լոնսդեյլի եւ նույն դեսպանատան հաղորդակցության հարցերով ղեկավար Մարիա Սադոյանի ամուսնությունից հետո նորապսակներն իրենց մեղրամիսի շրջանակներում հաղթահարել են Արագածի գագաթը:

Չնայած անբարենպաստ եղանակի պատճառով գագաթի հաղթահարումը դժվար է եղել, բայց նորապսակների համար այս փորձությանը դիմակայելը և դրանից պատվով դուրս գալը համատեղ կյանքի առաջին հաղթանակն է եղել:

Օտարերկրացի դիվանագետը, հավանաբար, հիշել է հայտնի այն խոսքը, թե անգլիական նավերը չեն կարող բարձրանալ հայոց լեռները, սակայն հայուհի կնոջ օգնությամբ բրիտանացի դիվանագետը, այնուամենայնիվ, բարձրացել է Արագածը և հիացել լեռնային  երկրի տեսարանով:

Դիվանագետը եւ նրա կինը հնարավոր է, նոր ավանդույթի սկիզբ դնելով, օրինակ են ծառայում նորապսակներին` համատեղ կյանքի սկիզբը նշել` գագաթներ նվաճելով: