Հայաստանի քաղաքականությունն օրինակելի չէ Վրաստանի համար

Վրաստանի նախկին փոխարտգործնախարար Նիկոլոզ Վաշակիձեն պարզաբանել է, թե Երևանում Բիձինա Իվանիշվիլիի արած որ հայտարարության համար է ինքն օրեր առաջ հրաժարականի դիմում ներկայացրել:

«Հայաստանում արված հայտարարությունից հետո ինձ մոտ որոշ հարցեր ծագեցին: Եվրաատլանտյան ինտեգրման  մասին հարցին տրվեց պատասխան, որ մոտ ապագայում այդ ուղղությունը չի փոխվի:  Այդ «մոտ ապագա» ձեւակերպումը լուրջ հարցեր է առաջացնում, այսինքն`  այդ  «մոտ ապագայից» հետո  դրա փոփոխությունը հնարավոր է», - Վաշակիձեի խոսքերն է մեջբերում  «Նովոստի Գրուզիան»:

Նախկին փոխարտգործնախարարի համար անընդունելի է նաեւ վարչապետի այն հայտարարությունը, թե Հայաստանի քաղաքականությունն օրինակելի է Վրաստանի համար:

«Հայաստանում կա ռուսական ռազմակայան, Հայաստանի սահմանները պաշտպանում է ռուսական բանակը: Կասկածում եմ, որ Վրաստանի համար դա է ընդօրինակելի», - հայտարարել է Նիկոլոզ Վաշակիձեն: