Ժողովուրդը վաղ թե ուշ դարձյալ փողոց է դուրս գալու

Ժամանակն է, որ Միխեիլ Սահակաշվիլին մտածի նախագահի պաշտոնից հրաժարվելու մասին. այսօր «Ասավալ Դավալի» թերթին տված հարցազրույցում հայտարարել է Վրաստանի նախկին նախագահ Էդուարդ Շեւարդնաձեն:

«Սակայն կարծում եմ` մոտ ժամանակներս նա նման որոշում չի կայացնի, քանի որ միջազգային հանրության կողմից որեւէ ճնշում չի զգում»,- ասել է նա:

Շեւարդնաձեն նաեւ հայտարարել է, որ Վրաստանի իշխանությունները դաժանորեն հաշվեհարդար տեսան մայիսի 26-ի գիշերն անցկացված ցույցի մասնակիցների հետ: Ըստ նրա` ժողովուրդը ներկայիս իշխանությունների վարած քաղաքականությունից շատ դժգոհ է, ընդ որում` դժգոհությունները գնալով ավելանում են, եւ ժողովուրդը վաղ թե ուշ դարձյալ փողոց է դուրս գալու: