ԺԱՄԱՆԱԿ. Ունքը սարքելու տեղը աչքն են հանում

3-րդ մանկական հիվանդանոցում վիրաբույժները, իրենց ղասաբի տեղ դրած, ձեռքները մարմին ընկնելու պես սկսում են կտրատել` մոռանալով, որ իրենց գլխավոր առաքելությունը ոչ թե կտրել-փրթելն է, այլ հիվանդին բուժելը:

Ասվածի վառ ապացույցն այն, որ բժիշկները 8 տարեկան Գեւորգ Մովսիսյանի փոխարեն 4 տարեկան Նարեկ Դարբինյանին են վիրահատել: Աբսուրդը, սակայն, ոչ թե տարիքային տարբերությունն է, այլ այն, որ 8 տարեկան երեխան պետք է ենթարկվեր ամորձիների վիրահատության, իսկ 4 տարեկանն ընդամենը թոքերի ռենտգենի կարիք ուներ:

Բարեբախտաբար, ծնողները գլխի ընկնելով, թե ինչ է կատարվում, վիրահատության ընթացքում մեծ աղմուկ են բարձրացրել, ինչի շնորհիվ հաջողվել է կանխել արդեն սկսված վիրահատությունը: