Թուրքիայում կոգեկոչվի Ցեղասպանության զոհերի հիշատակը

Այս տարի արդեն երկրորդ անգամ  Թուրքիայում կոգեկոչվի 1915 թվականին` Օսմանյան կայսրության վերջին օրերին, տեղահանումների ժամանակ սպանված հայերի հիշատակը. գրում է թուրքական «Զաման» թերթը:

Արարողությունները տեղի կունենան Ստամբուլի Թաքսիմ հրապարակում, Անկարայում, Իզմիրում, Դիարբեքիրում և Բոդրումում: Դրանք կազմակերպել է «Ոչ ռասիզմին և ազգայնամոլությանը» կազմակերպությունը, որի ներկայացուցիչը 1915-ին տեղի ունեցածը բնութագրել է որպես ցավ, որը վերաբերում է ե'ւ հայերին, ե'ւ թուրքերին: «Մենք պետք է կարողանանք ընդունել այն իրողությունը, որը 100 տարի կոծկվել է պաշտոնական գաղափարախոսությամբ»,- ասել է նա:

Կազմակերպության «Այս ցավը մերն է» հայտարարությունը բաց է ստորագրությունների համար: Այն արդեն ստորագրել է ավելի քան 100 մարդ, այդ թվում` թուրք մտավորականության ներկայացուցիչներ: