Պետք է փոխել խաղի կանոնները

Ղարաբաղյան կողմի ակնկալիքների մասին խոսելիս Լեւոն Տեր-Պետրոսյանը, կարծես, ասում է, որ ծագումով ղարաբաղցի նախագահներն ամենեւին լավագույն թեկնածուներ չեն Արցախյան հակամարտության լուծման համար:

Այս մասին այսօր լրագրողների հետ հանդիպման ժամանակ ասաց ԱԺ «Ժառանգություն» խմբակցության ղեկավար Ստյոպա Սաֆարյանը` անդրադառնալով Լեւոն Տեր-Պետրոսյանի BBC-ի ռուսական ծառայությանը տված հարցազրույցին:

Նա նշեց, որ 1997-ի կարգավորման սկզբունքներն էապես չեն տարբերվում Մադրիդյան սկզբունքներից, եւ չափազանց վտանգավոր են Ղարաբաղյան խնդրի շուրջ նման դիսկուրսներն ու շեշտադրումները. «Իբրև այլընտրանք, գոնե այս դիսկուրսում պետք է մտցվի այլ թեզ, որպեսզի դա շարունակություն չստանա, այլապես իսկապես մենք կանգնած ենք լինելու նախկին ելակետային վիճակում»:

Ս. Սաֆարյանի խոսքերով` երեք նախագահների օրոք էլ Ղարաբաղյան խնդրի կարգավորման տարբերակներն առանձնապես չեն տարբերվել միմյանցից եւ եղել են միմյանց շարունակությունը:

Եվ այս դեպքում հարկավոր է փոխել խաղի կանոնները: